पोखरा
पोखराको सूर्यदर्शन बचत तथा ऋण सहकारी संस्थाको रकम अपचलनको मुद्वामा पूर्वउपराष्ट्रपति नन्दकिशोर पुनका छोरा दीपेशकुमारलाई पनि प्रतिवादी बनाइएको छ ।
आइतबार सरकारी वकिलको कार्यालयले जिल्ला अदालत कास्कीमा दायर गरेको अभियोगमा पुनलाई पनि प्रतिवादी बनाइएको हो । उनी फरार प्रतिवादीको रुपमा छन् ।
जिल्ला सरकारी वकिलको कार्यालय, कास्कीकी सहायक जिल्ला न्यायाधीवक्ता शान्तिदेवी शर्माले कुल ४४ जनालाई प्रतिवादी बनाइएको जानकारी दिइन् । त्यसमा आठ वटा कम्पनी र ५ जना सम्पत्ति जफत प्रायोजनार्थ रहेका छन् ।
अदालतमा दायर गरेको मुद्वामा पुनसहित राष्ट्रिय स्वतन्त्र पार्टीका सभापति रवि लामीछाने, पूर्वडिआइजी छविलाल जोशी, गिता पछाई, रामबहादुर खनाल, कृष्णबहादुर गुरुङ, नेत्रपाणी बाँस्तोल, देबेन्द्रबाबु राई, विज्ञान राई, विशाल तामाङलाई प्रतिवादी बनाइएको छ ।
विश्वविक्रम राई, नविन अछामी, रविना रिमाल, असरफ अली सिद्दिकी, दिपक लामा, अनन्तबाबु राई, ओमप्रकाश गुरुङ, बिरबाहदुर रानाभाट, दिपा न्यौपाने, कल्पना कुमारी श्रेष्ठ, लक्ष्मीकुमारी श्रेष्ठलाई पनि प्रतिवादी बनाइएको हो ।
देवकुमार नेपाली, ज्ञानबहादुर बम्जन, मिना गुरुङ, सूर्यध्वज न्यौपाने, आरती गुरुङ, लिलाबहादुर गुरुङ, पेशलकुमार राई, कृष्णबहादुर गुरुङ, देव कुमार नेपाली, शकुन्तला गुरुङ, मिश्रकुमारी गुरुङ, रितु ताम्राकारलाई प्रतिवादी बनाइएको छ ।
सम्पत्ति जफत प्रयोजनार्थ रास्वपा सभापति रवि लामिछाने पत्नी निकिता पौडेल, पद्मा बन्जाडे जोशी, रोचक जोशी, राधा पछाई र गीता पछाईंलाई प्रतिवादी बनाइएको हो ।
शुक्रबार जिबी राई लगायत १९ जनालाई प्रतिवादी बनाएर थप अभियोगपत्र दायर गरिएको थियो । जिल्ला सहायक न्यायधिवक्ता शर्माका अनुसार पोखराको सूर्यदर्शन सहकारी प्रकरणमा मूल अभियोग पत्र, थप अभियोग पत्र र पूरक अभियोग गरेर कुल ६३ जनालाई प्रतिवादी बनाइएको छ ।
उनीहरुबाट एक अर्ब ५१ करोड ४० लाख १९ हजार १९४ रुपैयाँ ३ पैसा अपचलन गरेको पुष्टी भएकाले बिगो माग गरिएको छ । हालसम्म २३ जना प्रतिवादी पक्राउ परेका छन् ।
