देवघाट : नदीमा डुबेर पुरुष बेपत्ता

दुलेगौंडा । तनहुँको देवघाट गाउँपालिकास्थित वेणि संगम (त्रिशुली नदी र कालिगण्डकी नदीको संगमस्थल)मा डुबेर एक पुरुष बेपत्ता भएका छन् ।

विहिबार दिउँसो नदीमा डुवेर बेपत्ता भएका ब्यक्ति चितवन जिल्लाको भरतपुर महानगरपालिका ७ का ५७ बर्षीय रुद्र भण्डारी रहेको खुल्न आएको छ ।

उनी के कारणले नदीमा डुवेका हुन प्रहरीले अनुसन्धान तथा खोजी गरिरहेको तनहुँ प्रहरीले जानकारी दिएको छ । उनको शव हालसम्म फेला पर्न नसकेको प्रहरी नायव उपरिक्षक मोहनबहादुर खाँणले बताए ।