दुलेगौंडा । गण्डकी प्रदेश सभा सदस्य तथा तनहुँ २ को प्रदेश निर्वाचन क्षेत्र क बाट निर्वाचित सांसद श्यामराज महतले गण्डकी प्रदेशमा एमालेका सांसदका योजना नसमेटिने गरि निति, कार्यक्रम र बजेट आएको आरोप लगाएका छन् ।
एमाले नेता समेत रहेको महतले बजेटमा एमालेबाट निर्वाचित भएका सांसदले माग गरेको योजना काटिएको भएपनि गाउँ गाउँमा परेको योजना आफुहरुको भएको भन्दै ढाट्नुपरेको बताए । प्रदेश सभाको सोमबारको बैठकलाई सम्बोधन गर्दै महतले सत्ता पक्षका नेता र कार्यकर्ताले दिएको चिट अनुसारको कार्यक्रम र योजनाले स्थान पाउदाँ प्रतिपक्ष दलका सांसदको योजनाहरु बाईपास भएको गुनासो गरे ।
‘यो बजेट एकदम केटाकेटी खेलेजस्तो विपक्षीलाई कुनै भ्यालु नदिएको त्यस्तो खालको आएको छ ।’ उनले भने, ‘एउटा माननीयले अर्काे माननीयलाई कुनै सम्मान दिनुभएन ।’ सांसद महतले १०० बर्ष अघि श्रीमानले श्रीमतीलाई गर्ने जस्तो व्यवहार अहिले सत्ता पक्षले प्रतिपक्षलाई गरेको भन्दै असन्तुष्टी ब्यक्त गरे ।
भिडियो
