शुक्लागण्डकीमा चार शहिद र प्रचण्ड पत्नी सिता दाहालको सम्झना

दुलेगौंडा । नेकपा माओबादी केन्द्र शुक्लागण्डकी नगर कमिटीले तत्कालिन सशस्त्र द्दन्द (जनयुद्ध)मा शहिद भएकाहरु र माओबादी केन्द्रका अध्यक्ष पुष्पकमल दाहाल प्रचण्ड पत्नी सिता दाहालको सम्झना गरेको छ । शुक्लागण्डकी नगरपालिका ११ राईपुर अलैचेका राजन सिग्देलले शाहदत प्राप्त गरेको दिन राईपुर पुगेर माओबादीका नेता कार्यकर्ताहरुले श्रद्धाञ्जली अर्पण गरे ।

ठिक २१ बर्ष अघि माओबादी पार्टीमा लागेकै कारण निर्मम हत्याको शिकार भएका राजन सिग्देल सहित सोही स्थानका अर्का राजन सिग्देल, खोलाखेतका देवेन्द्र पोख्रेल र गहतेका दुर्गाराज गौतमलाई स्मरण गरिएको थियो । सोही क्रममा प्रधानमन्त्री समेत रहेको अध्यक्ष दाहालकी धर्मपत्नी सिता दाहालप्रति समेत श्रद्धाञ्जली अर्पण गरिएको माओबादी केन्द्र शुक्लागण्डकीका अध्यक्ष मनराज गुरुङ्गले जानकारी दिए ।