दुलेगौंडा
तनहुँको शुक्लागण्डकी नगरपालिकामा आर्थिक वर्ष २०८०÷०८१ मा ४ करोड ९५ लाख ८७ हजार १६८ रुपैयाँ बेरुजु देखिएको छ । १ अर्ब ६९ करोड ३३ लाख १९ हजार रुपैयाँको लेखा परीक्षण गरिएको हो ।
लेखा परीक्षण अनुसार असुल गर्नुपर्ने १ करोड ४० लाख ४३ हजार ३७३ रुपैयाँ, १ करोड २४ लाख १९ हजार ७४० रुपैयाँ अनियमित भएको र २२ लाख ४२ हजार ५५७ रुपैयाँ कागजत पेश नभएको रकम हो । सबैभन्दा धेरै पेश्की २ करोड ८ लाख ८१ हजार ५०० रुपैयाँ बेरुजु औंल्याइको छ ।
गत वर्षसम्मको बेरुजु १६ करोड ५५ लाख ९५ हजार ८ रुपैयाँ रहेकोमा यो वर्ष १ करोड २४ लाख ५५ हजार ९६८ रुपैयाँ पछ्र्यौट भएको थियो । आर्थिक वर्ष २०८०÷८१ महालेखा परीक्षकको कार्यालय गरेको परीक्षणमा ४ करोड ९५ लाख ८७ हजार १६८ रुपैयाँ थपिएको हो । शुक्लागण्डकीको बेरुजु हालसम्मको २० करोड २७ लाख २६ हजार २०८ रुपैयाँ पुगेको छ ।
