सिन्धुपाल्चोक । मोटरसाइकल दुर्घटनामा परि सिन्धुपाल्चोकमा २ जनाको मृत्यु भएको छ । सिन्धुपाल्चोक, पाँचपोखरी थाङ्पाल गाउँपालिका १ का २७ वर्षीय समिर तामाङ र मेलम्ची नगरपालिका ११ का २७ वर्षीय नवीन पाण्डेको उपचारको क्रममा मृत्यु भएको हो ।
विपरीत दिशाबाट आएको पेट्रोलियम पदार्थ बोक्ने ना ८ ख ३७६ नम्बरको ट्याङ्करले चौतारा साँगाचोकगढी वडा न ९, अरनिको राजमार्गको घुमाउने डाँडामा बा प्र ०२–०३१ प ५९७६ नम्बरको मोटरसाइकललाई ठक्कर दिँदा मोटरसाइकलमा सवार चालक तामाङ र पाण्डे दुवै जना गम्भीर घाइते भएका थिए ।
अनेरास्ववियु सिन्धुपाल्चोकका सहसंयोजक पाण्डे र सदस्य तामाङ दुबैलाई उपचारका लागि धुलिखेल अस्पताल काभ्रेमा पु¥याइए पनि उपचारको क्रममा उनीहरूको मृत्यु भएको प्रहरीले जनाएको छ ।
मकवानपुर, थाह नगरपालिका १२ का २८ वर्षीय ट्याङ्कर चालक भीमबहादुर तितुङलाई नियन्त्रणमा लिई अनुसन्धान भइरहेको प्रहरीले जानकारी दिएको छ ।
