मोरङको ग्रामथानमा पोखरीमा डुबेर २ बालिकाको मृत्यु

विराटनगर । मोरङको ग्रामथानमा पोखरीमा नुहाउन गएका २ बालिकाको डुबेर मृत्यु भएको छ । नुहाउने क्रममा पोखरीमा डुबेर शनिबार १० र १२ बर्षका दुई जना बालिकाको मृत्यु भएको हो । ग्रामथान गाउँपालिका–२ मा रहेको रम्भा देवको माछा पोखरीमा डुबेर १० र १२ वर्षीया बालिकाको मृत्यु भएको हो ।

मोरङ प्रहरीका प्रवक्ता डीएसपी रन्जनकुमार दाहालले ग्रामथान–२ खुनियाकट्टाका घनश्याम माझीकी छोरी १२ वर्षीया समीक्षा माझी र मनोज खवासकी छोरी १० वर्षीया रेजिना खवासको डुबेर मृत्यु भएको बताए ।

पोखरीमा नुहाउने क्रममा डुबेका उनीहरुलाई पोखरीबाट उद्वार गरी उपचारका लागि विराटनगरको कोसी अस्पताल ल्याइएको थियो । प्रहरी र स्थानीयले उद्धार गरेर अस्पताल पु¥याएपनी उनीहरुलाई चिकित्सकले मृत घोषित गरेका हुन् ।