दाङमा बेवारिसे अवस्थामा एक पुरुषको शव फेला

दाङ। दाङमा बेवारिसे अवस्थामा एक पुरुषको शव फेला परेको छ । दाङको राप्ती गाउँपालिका वडा नं. १ शान्तिपुर स्थित ज्यामिरे खोला नजिक राप्ती नदिको किनारमा हिज मंगलवार साझ पुरुषको शव फेला परेको हो ।

५.५ फिट उचाई भएको मोटो शरीर हरियो रङ्गको टिसर्ट र कालो पाइन्ट लगाएको मंगोलिएन जातको जस्तो देखिने पुरुषको शव फेला परेको ईलाका प्रहरी कार्यालय भालुवाङले जनाएको छ ।

अहिलेसम्म ती पुरुषको पहिचान हुन नसकेको प्रहरीले बताएको छ । शव राप्ती स्वास्थ्य विज्ञान प्रतिष्ठान घोराहीमा राखिएको छ। ईलाका प्रहरी कार्यालय भालुवाङका अनुसार शवको अवस्था हेर्दा खोलाले बगाएर ल्याएको हुन सक्ने बताइएको छ।