कुरिनटार । चितवनको इच्छाकामना गाउँपालिकाले दश वर्षे गाउँ शिक्षा योजना निर्माणको लागि तयारी गरिरहेको छ । विगत ६ महिनादेखि गाउँपालिकाले सामाजिक विकास समितिका संयोजक वडा नं। ६ का वडाध्यक्ष लक्ष्मण चेपाङको संयोजकत्वमा गाउँ शिक्षा योजना निर्माण समिति गठन गरी गाउँपालिकाको आगामी दश वर्षे गाउँ शिक्षा योजना निर्माण गरिरहेको हो ।
समितिले अहिले गाउँ शिक्षा योजनाको मस्यौदा बनाई सकिएको र सोही मस्यौदा माथि छलफल गरिरहेको गाउँपालिकाका शिक्षा शाखा प्रमुख दुर्गादेवी खड्काले जानकारी दिए । गाउँपालिकाले सोमबार मात्रै एक कार्यशाला गोष्ठी कार्यक्रमको आयोजना गरि शिक्षक, जनप्रतिनिधि, राजनितिक दलका प्रतिनिधि लगायत सरोकारवालाहरुसँग मस्यौदा माथि छलफल गर्दै सुझाब संकलन गरेको छ ।
गाउँपालिकाको शिक्षा युवा तथा खेलकुद शाखाको आयोजनामा चुम्लिङ्गटार स्थित सिद्धार्थ रिर्सोटमा गाउँ शिक्षा योजना २०७९÷८०–२०७९÷९० निर्माण सम्बन्धी सुझाब संकलन कार्यशाला गोष्ठी सम्पन्न गरेको हो । कार्यक्रममा राष्ट्रिय युवा परिषद्का प्रशासकिय अधिकृत रमाकान्त शर्माले सहजीकरण गर्नुभएको गरेका थिए ।
कार्यक्रममा बागमती प्रदेश सभा सदस्य कृष्णप्रसाद सिलवालको प्रमुख आतिथ्यता तथा गाउँपालिका अध्यक्ष दान बहादुर गुरुङ सभापति रहेका थिए ।
