१७ बोरा रक्सी बनाउने मर्चा तनहुँ प्रहरीले नष्ट ग¥यो

तनहुँ

जिल्ला प्रहरी कार्यालय तनहुँले रक्सी बनाउने मर्चा नियन्त्रणमा लिएर नष्ट गरेको छ । सोमबार विहान १७ बोरा मर्चा बरामद गरेर प्रहरीले नष्ट गरेको हो ।

विहान ८ बजे व्यास नगरपालिका–५ तालघरेस्थित पृथ्वी राजमार्गमा ट्राफिक प्रहरीसँगको संयुक्त गस्तीमा सवारी जाँच गर्दा मर्चा बरामद गरिएको थियो ।

डुम्रेबाट दमौलीतर्फ आउँदै गरेको ग १ च ८६८१ नम्बरको जिपलाई रोकी चेकजाँच गर्दा जिप पछाडी अवैध रूपमा बोरामा हालेर ल्याएको मर्चा बरामद गरेको जिल्ला प्रहरी कार्यालय तनहुँले जनाएको छ ।

१७ वटा बोरामा रहेको मर्चा तौल गर्दा ५०९ किलो ६२ ग्राम रहेको छ । व्यास नगरपालिका–३ का वडाध्यक्ष अनुप रानाको उपस्थितिमा मर्चा माटोले पुरी नष्ट गरिएको छ ।

No widgets found. Go to Widget page and add the widget in Offcanvas Sidebar Widget Area.