पोखरा
तनहुँको भीमादस्थित जनज्योति क्याम्पसको स्ववीयु सभापतिमा विप्लव भण्डारी निर्वाचित भएका छन् । अनेरास्ववियुका विप्लबले नेविसंघ र अनेरास्ववियु (क्रान्तिकारी) को संयुक्त प्यानलका उम्मेदवार अमृत गैह्रेलाई पराजित गर्दै निर्वाचित भएका हुन् ।
भण्डारीले १३१ र गैह्रेले १०९ मत प्राप्त गरे । जनज्योतिमा २५८ मतदाता रहेकोमा २४४ मत खसेको थियो ।
सचिवमा अस्मिता अनेरास्ववियुकी अस्मिता क्षेत्रीले १२१ मत प्राप्त गर्दै निर्वाचित भइन् । प्रतिस्पर्धी नेविसंघकी दीपा रानाले १२० मत पाइन् ।
कोषाध्यक्षमा अनेरास्ववियुकी यशुमाया थापाले १३२ मत ल्याएर जित दर्ता गराइन् । नेविसंघकी कासिका रानाले १०७ मत पाएकी छिन् ।
सदस्यमा अनेरास्ववियुका सुजन पौडेल (१२३), सविना खातुन मियाँ (१२२), विष्णु उच्चै (१२१), विनिता रसाईली (१२८), ममता सिग्देल (१२२) मत प्राप्त गर्दै विजयी भएका हुन् ।
