दुलेगौंडा । यस बर्षको हरितालिका तिज पर्वलाई विशेष बनाउनुका साथै पर्व, महिला र बैंकको सम्वन्ध विस्तार गर्न सिदार्थ बैकले मेहेन्दी कार्यक्रम गर्ने भएको छ ।
हरितालिका तिजको अघिल्लो दिन देशभरका शाखाहरुमा महिलाहरुलाई बैंकले मेहन्दी लगाईदिने कार्यक्रम रहेको दुलेगौंडा शाखाका प्रबन्धक विश्वास बास्तोलाले जानकारी दिए । महिला दिदि बहिनीहरुलाई देशभरका शाखा कार्यालयमा मेहन्दी लगाउन दक्ष कलाकार मार्फत मेहन्दी लगाउने व्यवस्था मिलाएको बास्तोलाले बताए ।
पाँच बर्ष अघि तनहुँको दुलेगौंडामा विस्तारित शाखाको रुपमा स्थापना भएको सिद्धार्थ बैकको प्रवन्धक बास्तोलाको सरुवा भएका छन् । यस क्षेत्रमा सिद्धार्थ बैकको परिचयलाई जनता माझ पु¥याउन सफल भएका उनी पोखराको सभागृह शाखामा सरुवा भएका हुन् । दुलेगौंडा शाखामा विदुर अधिकारी आएका छन् ।
बास्तोलाले यस क्षेत्रमा वित्तीय साक्षरता लगायत विभिन्न सामाजिक कार्यमा सिद्धार्थ बैकलाई जोड्दै आएका थिए । विद्यार्थीलाई सहयोगदेखि खेलकुद, विपद लगायतका सामाजिक क्षेत्रमा सहयोग गरेका उनले पाँच बर्षका अवधिमा शुक्लागण्डकीमा लोकप्रिय बैँकको रुपमा सिद्धार्थ बैक परिचित रहेको दावि गरे ।
