दुलेगौडा ।इस्लामिस्ट समूह हमासले इजरायलमा गरेको आक्रमणमा परी ज्यान गुमाएका नेपाली विद्यार्थीको सम्झनामा सोमबार साँझ वि.पि चोकमा दीप प्रज्वलन गरिएको छ।
लायन्स क्लब अफ दुलेगौंडा खैरेनी सिटी र लियो क्लव अफ दुलेगौंडा खैरेनी सिटी द्वारा सोमबार साँझ शुक्लागण्डकी -०४, वि.पी चोकमा दीप प्रज्वलन गरिएको हो।
दीप प्रज्वलनमा सहभागीहरूले इजरायल र गाजामा शान्तिको कामना गरेका थिए।यस्तै उनीहरूले युद्धलाई अन्त्य गर्न पनि माग राखेका छन्। इजरायलमा फसेका नेपालीहरूको सुरक्षाको माग र तत्काल उद्दार गरी उनीहरूलाई फिर्ता ल्याउन पहल गर्नु पर्ने समेत उनीहरूले माग गरेका छन् र दिवंगत आत्माको चिर शान्तिकाे कामना सहित परिवारमा धैर्य धारण गर्नुहुन पनि अनुरोध गरेको थिए।
हमासले शनिबार गरेको आक्रमणमा परी इजरायल गएका सुदूरपश्चिम विश्वविद्यालयमा अध्ययनरत १० विद्यार्थीको मृत्यु भएको थियो।
