दुलेगौंडा
‘स्लो बाइक रेश’ प्रतियोगितामा भीष्म श्रेष्ठ च्याम्पियन बनेका छन् । शुक्लागण्डकी जेसीजले शुक्रबार आयोजना गरेको प्रतियोगितामा भीष्म च्याम्पियन बनेका हुन् ।
उनले उपाधिसँगै पाँच हजार रुपैयाँ हात पारे । विस्तारै मोटरसाइकल तथा स्कुटर चलाउन भएको प्रतियोगितामा मनिष श्रेष्ठ उपविजेता र दिग्गज श्रेष्ठ तेस्रो भए । यी दुई क्रमश : दुई हजार पाँच सय र पाँच सय रुपैयाँ प्राप्त गरेका छन् ।
प्रसतयोगितामा ५३ जना चालकले प्रतिस्पर्धा गरे । शुक्लागण्डकी नगरपालिका–५ बेलचौतारामा प्रतियोगिता भएको हो ।
तिव्र गतिका कारण हुने सवारी दुर्घटना न्युनिकरणका लागि प्रतियोगिता गरेको शुक्लागण्डकी जेसिजका अध्यक्ष रमेश भण्डारी बताउँछन् । जेसिज सप्ताहको अवसरमा ‘स्लो बाइक रेश’ सँगै ट्राफिक सचेतना कार्यक्रम समेत भएको छ ।
