दुलेगौंडा
तनहुँको शुक्लागण्डकी नगरपालिका–२ हलेदीबाट कौडा खेलिरहेका १३ जना जुवाडे पक्राउ परेका छन् । इलाका प्रहरी कार्यालय बेलचौताराको टोलीले मानबहादुर घलेको घरमा खानतलासी गर्दा उनीहरु पक्राउ परेका हुन् ।
पक्राय पर्नेमा ६९ वर्षीय यामबहादुर शाही भनिने यामबहादुर आले, ६३ वर्षीय भीमबहादुर थापा, ३५ वर्षीय प्रकाश जुवारचन, ३८ वर्षीय रेमण राना, ३५ वर्षीय दिलकृष्ण आले रहेका छन् ।
यस्तै ३० वर्षीय विकास श्रेष्ठ, ५४ वर्षीय किसान आले, ३४ वर्षीय सुदीप परियार, ३१ वर्षीय विनोद थापाm ४२ वर्षीय मोहन मगर, ३९ वर्षीय टिकाराम सिग्देल, ४१ वर्षीय दिलिप गुरुङ र ५० वर्षीय मानबहादुर घले रहेका छन् ।
उनीहरुको साथबाट ६ लाख ४३ हजार १९० रुपैयाँ बरामद गरिएको जिल्ला प्रहरी कार्यालय तनहुँका सूचना अधिकारी डिएसपी अशोक थापाले बताए । १६ थान कौडासमेत बरामद गरिएको छ ।
मंगलबार पक्राउ परेका उनीहरुलाई जिल्ला प्रशासन कार्यालय तनहुँबाट म्याद थप अनुमति लिएर अनुसन्धान भइरहेको प्रहरीले जनाएको छ ।
