अवैध कपडासहितको सवारीसाधन नियन्त्रणमा

कपिलवस्तु । भन्सार छली नेपाल भित्रिएको अवैध कपडासहितको सवारीसाधनलाई प्रहरीले नियन्त्रणमा लिएको छ । इलाका प्रहरी कार्यालयले कपडा सहितबा ७ च १५२३ नम्बरको निसान गाडी तथा काठमाडौ महानगरपालिका वडा न. २ बस्ने बर्ष २३ को अनुप पन्तलाई नियन्त्रणमा लिएको हो ।

जिल्ला प्रहरी कपिलवस्तुका निमित्त प्रहरी प्रमुख प्रहरी निरीक्षक शैलेश्वरी बोहराका अनुसार कुकुरभुकवा नाकाबाट भन्सार छली ल्याइएको कपडा नेपाल पुलिसले पछ्याउँदै पक्राऊ गरेको हो । पक्राऊ गरेको कपडाको मूल्य रू ३ लाख ६० हजार बराबरको रहेको प्रहरी स्रोतले जनायो ।