गाँजासहित पक्राउ परे राहुल नेपाली

दमौली । तनहुँमा लागु पदार्थ सेवन कर्ता र ओसार प्रसारमा संलग्नहरुलाई प्रहरीले निशाना बनाएको छ । लागुपदार्थको कारोबार गर्ने र सेवन गर्नेहरुलाई धमाधम पक्राउ गर्दै आएको तनहुँ प्रहरीले मंगलबार गाँजा सहित व्यास नगरपालिका ११ गैराबारीका राहुल नेपालीलाई पक्राउ गरेको छ ।

आफ्नै कोठामा लुकाएर राखेको एक किलो ४०० ग्राम अवैध गाँजा सहित उनी पक्राउ परेको जिल्ला प्रहरी कार्यालय तनहुँका प्रहरी उपरिक्षक मोहनबहादुर खाँणले जानकारी दिएका छन् । २६ बर्षीय नेपालीलाई थप अनुसन्धान गर्न प्रहरीले जिल्ला अदातलन तनहुँबाट सात दिनको म्याद लिएको सुचना अधिकारी समेत रहेको खाँणले बताए ।