पोखरा
नेपाली राष्ट्रिय महिला फुटबल टोलीकी डिफेन्डर विमला विकलाई व्यास नगरपालिकाले नगदसहित सम्मान गर्ने भएको छ । व्यासले नगद ३० हजार रुपैयाँले सम्मान गर्ने भएको हो ।
सोमबार बसेको व्यास नगरपालिकाको कार्यपालिका बैठकले उनलाई सम्मान गर्ने निर्णय गरेको छ ।
सातौं संस्करणको साफ वुमेन्स च्याम्पियनसिपमा खेलमा सहभागी भएकी उनलाई नगरपालिकाले सम्मान गर्ने भएको हो । च्याम्प्यिनसिपमा नेपाल फाइनलमा बंगलादेशसँग पराजित हुँदै उपविजेतामा सीमित भएको थियो ।
विमलाले एएफसी एसिया महिला कप छनोट तयारीस्वरुप बंगलादेशसँग नेपालले २०७८ मा खेलको अभ्यास खेलमा सहभागी भएर राष्ट्रिय टोलीमा डेब्यु गरेकी थिइन् ।
व्यास नगरपालिका–४ दमौली बजारकी विकलाई साफ वुमेन्स च्याम्पियनसिपमा खेलेर फर्किएपछि दमौलीका विभिन्न संघसंस्थाले सम्मान गरेका छन् ।
