भुजेल समाजले कतारमा मनायो उभौली

जेठ १, तनहुँ । भुजेल प्रवासी समाज कतारले गत शुक्रबार विभिन्न कार्यक्रमहरु गरी उभौली पर्व हर्षोल्लासको साथमा मनाएको छ । “भुजेल जातीको विकास र उन्नतीको आधार, संस्कृती, शिक्षा र रोजगार” भन्ने नारा सहित स्थापना भएको समाजले कतारमा रहेको नेपाली आँगन रेष्टुरेष्टमा एक कार्यक्रम गरी यो पर्व मनाएका हुन् ।
भुजेल जातीहरुको परम्परा अनुसार गरिने पुजाको समेत समापन गर्दै प्रबासमा रहेका भुजेलहरुले विदेशी भुमीमा समेत आफ्नो सस्कृतीलाई जगेर्ना गर्न पाएकोमा खुशी ब्यक्त गरेका थिए ।कार्यक्रममा समाजका सक्रिय सदस्य प्रभात भुजेलले समाजलाई प्रभावकारी बनाउनु पर्नेमा जोड दिए । उनले कतारमा रहेको सम्पूर्ण भुजेल समुदायका नागरिकहरुलाई समाजमा सहभागी गराउनु पर्ने बताउदै भुजेलजातीको बृद्धी विकासमा समाजले योगदान पु¥याउनु पर्ने बताए ।
समाजका अध्यक्ष मिलन भुजेलको अध्यक्षतामा कार्यक्रम सम्पन्न भएको हो । पूर्व अध्यक्ष एवं संरक्षक नियम भुजेलको प्रमुख आतिथ्यतामा भएको कार्यक्रममा उपाध्यक्ष धन बहादुर भुजेल स्वागत गरेका थिए भने महासविच युवराज भुजेलले कार्यक्रम सञ्चालन गरेका गरेका थिए । कार्यक्रममा नेपाली सास्कृतीक समुह ह्याप्पी ग्रुपका कलाकारहरुले सास्कृतीक प्रस्तुती प्रस्तुत गरेका थिए ।